2013ko Umore Azokan parte hartu zuten teknikari eta artisten edari, bazkari eta afarietan Leioako EAJk egindako "kudeaketa" zalantzan jarri zuen joan den ekainean EH Bilduk. Koalizio soberanistak azaldu zuenez, "Leioako 9 taberna eta jatetxeren artean banatu behar ziren 13.681 eurotatik, Batzokiak 10.680 jaso" zituen. Hori dela eta, "Batzokia aberastea eta gainontzeko tokiko komertzioei eta ostalaritza sektoreari kalte egitea" leporatu zien jelkideei. Bada, EH Bilduk egindako salaketaren ostean, oraingoan Leioako Udalari informazio eskatu diona Lehiaren Euskal Agintaritza (LEA) dela jakinarazi dute ezkertiarrek. "Ez da lehen aldia LEAk Leioan EAJk eta EBk egindako kudeaketan interesa duenik. Hain zuzen ere, Agintaritza hau Pinosolo aferan izandako irregulartasunak ikertu eta ebatzi egin zituena izan da", gogoratu dute EH Bildukoek. Argazkian, Umore Azokako ikuskizunetariko bat / © Umore Azoka.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun