Saioek herri-batzarraren formatua izango dute eta ekimenaren asmoa da ahalik eta jende gehienak parte hartzea, "Euskal Herrian bizi garen pertsona guztion sentipena eta gehiengoaren interesa jasoko dituen behin betiko proposamen bat erredaktatzeko".
Algortako aurkezpenaren kartela (jpg)
Ostiral honetan, martxoak 14, Euskal Herriko Eskubide Sozialen Kartaren aurkezpen publikoa izango da Algortan, Villamonteko kultur etxean, 18:00etan. Bertan gutun soziala zertan datzan azaldu eta Algortako prozesua aurkeztuko dute. Tokiko talde dinamizatzaileko kideek azaldu dutenez, Gutun Sozialaren dinamika 2013ko maiatzaren 30eko greba orokorrarekin batera abiatu zen, "aldaketa sozial eta politiko bat Euskal Herrian bultzatzeko". Algortan, ordea, otsailaren hasieran osatu zen talde dinamizatzailea gutunaren proiektuari bultzada bat emateko herrian, eta dagoeneko bilera batzuk egin dituzte, baita plangintza bat taxutu ere. Plangintza hori ostiral honetan izango den aurkezpen ekitaldian azalduko dute, eta horren barnean daude datozen egunotan izango diren eztabaida-saio irekiak eskubideen gutunari ekarpenak egiteko. Argazkian, maiatzaren 30eko greba orokorreko manifestazioa Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun