Arkaitz Bellón Blanco Elorrioko preso politikoaren heriotzetik bost aste baino ez direla, ostiral honetan, martxoak 14, beteko da urtebete Anjel Figueroa Fernandez gatibu algortarra hil egin zela. Gaixotasun larri eta sendaezina zuen. Langraizko espetxetik atera eta etxera eraman zuten 2008ko azaroaren 12an, bertan zigorra bete zezan. Algortako semea 1994ko urriaren 25ean atxilotu zuten Areetako Bizkaiko Zubiko plazan, dagoeneko kalean den Iñaki Gonzalo Casal "Kitxu" itzubaltzetarra, Andoni Muñoz de Vivar urduliztarra eta Algortako Iñigo Otazua "Oti" algortarrarekin batera. Azken hori astelehenean aterako da Topas (Salamanca) espetxetik, zigor osoa beteta. Ekintzarik burutu ez zuen Lanbroa komandoko kideak izatea leporatu zieten lauei, 30 urteko kartzelaldia ezarriz. Sakabanaketaren krudelkeriak ere gogor astindu zuen Anjel eta bere familia. Bere amama, Antonia Hernandez Rodriguez, 1997ko martxoaren 14an (bihar 17 urte) hil zen auto istripu batean Alcala-Meco espetxera bidean, bere biloba bisitatzera zihoanean. Argazkian, Figueroa hil eta egun batera dozenaka lagunek egin zuten kontzentrazio isila Algortan / cc-by Algortako Herrira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun