Bizkaiko Foru Aldundiaren Akarlanda aisialdi-eremuan Forestal Park delako gunearen inaugurazioan parte hartu du gaur goizean Irene Pardo Nekazaritza diputatuak. Abentura anitzeko baso-parke horrek asteburuan irekiko ditu ateak. Erandioko lurretan dago. Lur horiek Aldundiari laga zizkion Udalak 1990ean, gaur egun Nekazaritza Sailak kudeatzen dituen 65 aisialdi-eremuetako bat sortzeko, foru iturriek adierazi dutenez. Arduradunen hitzetan, Akarlandakoa dugu urtean zehar bisitarik gehien jasotzen dituenetako bat. Foru erakundeak instalazioaren kudeaketa enpresa bati adjudikatu dio, eta enpresak baso-parkeko proiektua gauzatu du, zuhaitzak eta natura dibertsiorako erabiliz. Inaugurazioan Joseba Goikouria Erandioko alkatea eta adjudikaziodun enpresaren ordezkariak ere izan dira. Argazkian, Pardo eta Goikouria gaurko inaugurazioan / © Bizkaiko Foru Aldundia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun