Bizkaiko Ikasle Eztanda dinamikaren baitan, Bizkaibus garraio enpresaren kontrako mobilizazioak egingo dituzte martxoaren 18tik 20ra Leioa eta Erandioko campusean. Leioatik.info proiektu komunikatiboak zabaldu duenez, gaur, asteartea, kontzentrazioa izango da 13:00etan, Mikel Laboa plazan. Bihar eta etzirako, berriz, itzulerako bidaia ez ordaintzeko desobedientzia ekimena egitera daitu dituzte ikasleak. Protesten sustatzaileen ustez, Bizkaibusek eskaintzen dien zerbitzua ez da "duina". "Gainera, unibertsitatera igotzeko zerbitzu publiko bakarra da", nabarmendu dutenez. Ekimen horien bitartez, "ikasleen beharretara moldatzen den txartel bat" aldarrikatu nahi dute, "errentaren araberako prezioarekin eta lurralde osoan erabilgarria izango dela". Horregatik, campusetik etxerako bidaia ordaintzeari uko egingo diote, "etorreran nahikoa ordaindu" dutela ulertuz. Bide batez, martxoaren 27ko ikasle grebarako deialdia zabaldu nahi dute. Argazkian, Leioa eta Erandioko campuseko ikasleen protesta Bilboko foru jauregian, artxiboko irudian / © Ikasle Abertzaleak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun