Sortuk, Ernaik eta LABek deituta, asteazken honetan, martxoak 19, "Euskal Bidea" lantzeko herri batzarra egingo dute Algortan. Ezker abertzalearen estrategiaren eguneraketa eta sakontze ariketa egitea da helburua, antolatzaileek adierazi dutenez. Horretarako, Maribi Ugarteburu Sortuko kidea izango dute, 19:30etik aurrera, Abian kultur elkartean (Bidebarri 2). Edukien liburuxka aipatu herriko tabernan jaso daiteke, barran eskatuta. Internet bidez jaso nahi izanez gero, getxopapera[abildua]gmail.com-era idatz daiteke eskatuz eta laburpena helaraziko zaie interesatuei. Ezker abertzale osoak abiatu du hemendik aurrerako estrategiari buruzko hausnarketa, eta bidea Euskal Herria aintzat hartzen duten eragile guztien artean egitea da nahia. Aldebakartasunetik abiatuta Espainiako eta Frantziako estatuekin "konfrontazio demokratikoa" sustatuko du, "Euskal Herria independente eta sozialista" sortzeko bidean. Herriz herriko eztabaida prozesua egingo dute orain, eta Aberri Egunerako proposamen "borobildua" izatea espero dute. Argazkian, hausnarketa horrekin Zutik Euskal Herria ebazpenari segida emango diote.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun