Bizkaiko Foru Aldundiaren Gobernu Kontseiluak atzo onartutako hitzarmen markoaren bidez, Punta Begoñako galeriei balioa emateko planaren ildo nagusiak ezarri dira, honako hauek, besteak beste: higiezinaren gaineko azterketa eta diagnostikoa; dokumentazio geometrikoaren eta informazio-sistemen prestaketa; ikerketa historikoak, sozialak, arkitektonikoak, kimikoak, hidrologikoak eta beste mota motak; finkapen eta zaharberrikuntzako esku-hartzea; jardueraren eragin sozio-ekonomikoa eta estrategikoa; planaren hedapena eta transmisioa, baita hiritarren partaidetza ere. Lortu nahi den helburuaren "izaera globala eta konplexua" ikusita, akordioa sinatu duten erakundeek (Eusko Jaurlaritza, Bizkaiko Foru Aldundia, Euskal Herriko Unibertsitatea eta Getxoko Udala) konpromiso bat hartu dute: egin behar diren jarduerak zehaztuko dituzte, lankidetzako hitzarmen egokien bidez, eta hitzarmen horietan zehaztuko dituzte, besteak beste, egin behar diren ekintzak, beharrezko baliabide pertsonalak eta materialak eta aldeetako bakoitzak bere gain hartzen dituen konpromiso ekonomikoak zein beste mota batekoak", foru iturriek adierazi dutenez. Hortaz, "hitzarmen honek ez dakar inolako konpromiso edo inplikazio finantzariorik", zehaztu dute Aldunditik.
EAJ eta Bilduren aldeko botoekin, PSE-EEren abstentzioarekin eta PPren oposizioarekin, Getxoko Udalbatzak "argi berdea" eman zion abenduaren 26an Punta Begoñako galeriak balioan jartzeko planari.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun