Martxoaren 3an egindako bistan, Arkaitz Goikoetxeak abokatuari erantzun zionez, atxilotu zutenean poliziaren aurrean egindako deklarazioak "ez ziren borondatez egindakoak izan, ezta benetakoak ere", Europa Press albiste agentzia espainolak zabaldutakoaren arabera. Azkorrikoak Guardia Zibilaren aurrean jasandako "tratu txarrak eta torturak" salatu zituen bere garaian. Baita Iñigo Gutierrezek ere. Algortarrak atentatuan parte hartu zuenik ukatu eta hainbat lagunekin zegoela esan zuen, iturri berberen hitzetan. Bakoitzarentzat 675 urteko espetxe zigorra eskatzen zuen fiskalak, hilketa saiakuntza 33 delitu, terrorismo txikizioa, lehergaien jabe izatea, ibilgailuen lapurreta eta bi pertsona atxiki izana leporatuta. Zazpi pertsona zauritu ziren, horien artean Guardia Zibileko bi agente.
Arkaitz Goikoetxea Basabe eta Iñigo Gutierrez Carrillo 2008ko uztailaren 22an egindako sarekadan atxilotu zituen Guardia Zibilak; baita Aitor Cotano Sinde algortarra ere. Asier Borrero Toribio, berriz, 2009ko uztailaren 4an atxilotu zuen Frantziako Poliziak, Okzitanian.
Arkaitz Goikoetxea Basabe preso politiko getxoztarra, Iñigo Gutierrez Carrillo gatibu algortarra eta Jurdan Martitegi Lizaso durangarra epaitu zituzten martxoaren hasieran, Espainiako Auzitegi Nazionalean, ETA erakunde armatuak 2008ko martxoaren 21ean Calahorrako (Errioxa) Guardia Zibilaren kuartelaren aurka bonba furgonetarekin egindako atentatuagatik. Bada, gaur plazaratutako sententziaren bitartez, Goikoetxeari 133 urteko espetxe zigorra ezarri dio aipatu tribunalak, eta 139 urtekoa Martitegiri, Europa Press albiste agentzia espainolak zabaldu duenez. Gutierrezi dagokionez, absolbitu egin dute, "frogatu ez delako aipatu ekintzan parte hartu zuenik". Horretaz gain, Asier Borrero Toribio algortarrari ere leporatzen zioten atentatuan parte hartzea. Azken hori, ordea, ez zuten epailearen aurrera eraman. Frantzian espetxeratuta daukate.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun