Izena emateko ondoko lekuak jarri dituzte eragile feministek:
- Algortan, Eztabaida gune antiautoritarioan, Abian kultur elkartean edota bfalgorta[abildua]gmail.com-era idatziz.
- Itzubaltzeta / Romon, Branka kultur elkartean.
- Leioan, Kurkudi herriko tabernan.
- Erandion, Beti Lagun tabernan.
Espainiako Gobernuak bultzatutako Abortu Lege egitasmoaren kontrako nazio manifestazioa izango da apirilaren 5ean Iruñean, Euskal Herriko Mugimendu Feministak antolatuta. "Gure gorputza gure erabakia" lelopean, 17:30ean abiatuko da Golem zinemetatik. Bada, martxa horretara joateko gonbitea luzatu die Sopelako Udalak herritarrei, eta helburu horrekin, manifestaziora joateko autobusa jarri du. Garraioa debalde izango da, eta 14:30ean irtengo da San Pedro elizatik. Buelta 21:00etan izango da Iruñeatik. Izena emateko epea apirilaren 3an amaituko da, eta hiru lekutan eman ahalko da: Kurtzio Kultur Etxea, udaletxea eta Sopelarin (Larrabasterra). Informazio gehiagorako: 944 065 505. Uribe Kostako eragile feministek ere autobusak antolatu dituzte, ondoko lekuetan jendea batzeko asmoz: Algortako Telletxe kaleko geralekua, metro geltoki parean (14:30ean); Itzubaltzeta / Romoko Sabecoko geralekuan (14:40ean); Leioako Batzoki parean, Bulebarrean (14:50ean); eta itsasadar parean, Erandioko ontziralekuan (15:00etan). Argazkian, pasa den martxoaren 8an Algortan egindako manifestazio feminista.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun