Neguriko ertzain-etxean daukate Iñigo Fernandez de Martikorena UKBERRI.NETeko kazetaria

Lekukoek adierazi dutenez, 13:00ak inguruan heldu dira Iñigo Fernandez de Martikorena UKBERRI.NET agerkari digitaleko kazetariaren etxera, Itzubaltzeta / Romora, kalez jantzitako ertzainak. Bertaratuta auzokideek, baina, nola eramaten zuten baino ezin izan dute ikusi. Bizilagunen arabera, goiz guztian ibili dira ibilgailu kamuflatuak bere zein gurasoen etxebizitzen inguruan. Ertzaintzarekin harremanetan jarri ostean non daukaten baino ezin izan dute jakin abokatuek: Neguriko ertzain etxean daukate. Zergatik atxilotu duten, baina, ez dute aipatu. Komisaria horretako iturrien hitzetan, "momentuz atxilotuta daukatela baino ezin dute esan". "Bere momentuan atxilotuak berak emango dio atxiloketaren berri berak ikusten duen pertsonari eta nahi duen abokatua izendatuko du", azaldu dutenez.