Orain ordu erdi jakinarazi diote Iñigo Santxo abokatuari arratsaldeko lehen orduan atxilotutako Iñigo Fernandez de Martikorena UKBERRI.NETeko kazetari itzubaltzetarra Deustuko ertzain-etxera bidean zela, bertan deklarazioa hartzeko. Ordura arte, Neguriko komisarian eduki dute. Deustutik, Bilboko epaitegira eramango dute, epailearen aurrean deklaratzeko, letraduak adierazi duenez. Bitartean, Itzubaltzeta / Romoko herritarrek asanbladarako deia zabaldu dute. Iluntzeko zortzietan jarri dute hitzordua Santa Eugenia plazan. Lekukoek adierazi dutenez, 13:00ak inguruan heldu dira Iñigo Fernandez de Martikorena UKBERRI.NET agerkari digitaleko kazetariaren etxera, Itzubaltzeta / Romora, kalez jantzitako ertzainak. Martxoaren 3an, Bilbon burutu zen Foro Ekonomiko Globalaren inguruan izandako istiluen harira zabaldutako diligentzien inguruan atxilotu egin dute. Argazkian, Iñigo Fernandez de Martikorena, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun