Igande honetan, martxoak 30, beteko dira 29 urte, "GALen mertzenarioek" Xabier Galdeano Donibane Lohizunen hil zutenetik. Gauzak horrela, gaur, ostirala, ekitaldia izango da Algortan erailketa hura gogoratzeko. Hitzordua iluntzeko 8:30ean jarri du Telletxe plazan Algorta-Getxoko Ezker Abertzaleak, algortarrari eta bere sendiari omenaldi xumea egiteko. Galdeano "Egin" egunkariaren sortzaile, administrazio kontseiluko kide eta kazetaria izan zen. GALek hil zuen, tiroz, Donibane Lohitzuneko Urdazuri auzoan, bere etxetik gertu, egunkarira manifestazio bati buruzko kronika eta argazkiak bidaltzera zihoala. Bestalde, hilabete bakoitzeko azken ostiral guztietan bezala, gaur ere mobilizazioak izango dira herrietan, euskal preso eta iheslari politikoen eskububideen alde. Besteak beste, Algortan, 20:00etan jarri dute hitzordua Telletxen. Argazkian, Xabier Galdeano gogoratzeko ekitaldia iaz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun