Horrenbestez, Udala aste honetan bertan hasi da kartelak jartzen eta herri guztietako buzoietan informazio-liburuxkak uzten. Hain zuzen ere, liburuxkan, Elortzako hainbat neska-mutiko agertzen dira eskua zabalik dutela, kanpaina identifikatzen duen eta honakoa esan nahi duen keinua eginez: “Eman bostekoa!”. Eskuko bost atzamarrek dauden edukiontzi desberdinak sinbolizatzen dituzte: horia, berdea, laranja, urdina... eta eskua osatzen duena: marroia.
Kanpaina amaierako jaia
Datorren apirilaren 26an itxiko da informazio-kanpaina, Elortzako eskoletako neska-mutikoek Kultur Etxean egingo duten jai sorpresarekin. Urdulizko Udalak eskerrak eman ditu Elortzatik ideia hau garatzeko egin duten lan handiagatik eta erakutsi duten maitasunagatik; "izan ere, ideia honi eta Elortzako neska-mutikoei esker, urduliztarrek ondo ikasiko dute birziklatzen, edukiontzi bakoitza behar den moduan erabiliz".
Izena emateko epea irekita
Parte hartu nahi duten Urdulizko bizilagunek –hau da, organikoak birziklatzeko ohitura hau etxean sartu nahi dutenek– Kultur Etxean eman beharko dute izena, euren datuak adieraziz. Ondoren, dohainik jasoko dute birziklapen-kita, edukiontzirako giltza eta hondakinetarako otzara barne.
Kanpainaren bigarren fasea iragartzeko kartela
Aurtengo maiatzean abiaraziko da Urdulizen bosgarren edukiontzia edo edukiontzi marroia ezartzeko bigarren fasea. Dagoeneko hamar daude udalerriko zenbait gunetan. Bigarren fase honetan, beste 14 edukiontzi jarriko dira; "horrela, bada, herri osora hedatuko dira, eta, beraz, urduliztar guztiek erabili ahal izango dituzte", nabarmendu dute udal iturriek. Orain, apirilean, ekimena gizarteratzeko kanpaina egingo dute. Gainera, horrek "protagonista oso bereziak" izango ditu: Urdulizko eskoletako neska-mutikoak, hau da, Elortzako txikiak. Urdulizko Udalean pentsatu zuten "polita eta bi aldiz hezigarria" izango litzatekeela egoera aldatu, eta txikienek nagusiei birziklatzen irakastea. Ideia ikastetxeko arduradunei helarazi zieten, eta oso pozik agertu ziren, tokiko arduradunek adierazi dutenez. Beraz, azken hilabeteetan, sormenez, dauden edukiontzi mota desberdinak eta horietako bakoitzean utz daitezkeen hondakin motak ezagutarazteko egin dute lan, arreta berezia jarriz edukiontzi marroian. Argazkian, Elortza eskolako umeak / © Urdulizko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun