Orain, Eurokoparen aitzakiari eutsita, jokaldi politiko hau gauzatzeko aukera ezin hobea ikusi dute. Indartsu sentitzen dira gainera, indartsu sentiarazi baitituzte Bizkaiko Foru Aldundiko eta Bilboko udaletxeko agintariek, ustezko mozkin ekonomikoen aipu hutsaren aurrean euren teoriazko euskal abertzaletasuna eta hitzezko euskal selekzio propioen aldeko aldarrikapena guztiz ahaztu dituztenak. “Normaltasuna” ez da euskal gizartearen gehiengoak arrotz bezala ikusten duen futbol talde bat indarrez gurera ekartzea. Guri ez digute lelo hau salduko. Aurrean izango gaituzte.
Azkenik, gogoratu beste behin, batzuk erraz ahazten baitute antza, Euskal Herrian badugula futbol selekzio propioa, herri honen gehiengoak beronekin bat egiten duela eta luzea dela beronen ofizialtasunaren alde borrokan egindako bidea. Ez dezagun aldarria ahultzen utzi. Nazioarteko futbola zazpi herrialdeetara ekarri nahi bada, hau da jorratu beharreko bidea. Hau da defendatzen dugun bidea.
Atzo, gaur eta bihar: guk, geurea!
Garaitezinak
2020ko Eurokopa kontinente zaharreko hamahiru herrialde ezberdinetan kokatutako hamahiru hiritan jokatuko da. Futbol federazio espainiarrak, jakina denez, Madrilgo La Peineta eta Bilboko San Mames Barria aurkeztu ditu hautagai bezala. Zelai bizkaitarra hautatua izanez gero, eta Estatu espainiarreko futbol selekzioa txapelketarako sailkatzen bada, hauek gutxienez bi partidu jokatuko dituzte euskal lurretan. Erabakia hurrengo hilabeteetan hartuko dute Europako futbol erakundeek. Egoera horren aurrean, idazki hau sinatzen dugun euskal taldeetako zaletu talde, kolektibo eta norbanako ezberdinok gure errefusik tinkoena adierazi nahi dugu, azken urteotan espainiar nazionalismoaren ikur bilakatu den futbol selekzioak euskal lurretan izan dezakeen balizko presentzia horren atzean probokazio politiko hutsa ikusten baitugu. Aspalditik temati dabil unionismo espainiarra helburu hau gauzatu nahian. Adibidez, Eusko Legebiltzarrean, aurreko legealdian, egun Euskal Autonomi Erkidegoan bigarren indar den alderdiaren ilegalizazioa baliatuz lortutako gehiengo “konstituzionalistak” espainiar futbol selekzioa gonbidatu zuen euskal lurretan jokatzera, eta berdin egin zuen pasa den urteko otsailean Nafarroako ganberak. Kirola eta politika ezberdindu behar direla dioten berdinak dira oraingo honetan futbola politikaz “kakazten” buru-belarri dabiltzanak. Irudian, Espainiako futbol selekzioa San Mames Barrian "etxekoa" izatearen aurkako kartela / © Garaitezinak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun