Gidariak txango honetan Aitor eta Iñigo Fernandez de Martikorena itzubaltzetarrak izango dira. Irteerara metroz joango dira parte-hartzaileak eta Areetako metro geltokian elkartuko dira goizeko 10:30ean. Baina nork bere herrian ere elkar topatzeko aukera izango dugu: Sopelako metro geltokian, 10.07an; eta Algortako zein Erandioko metro geltokian, 10.15ean.
Berbatxangoaren kartela
"Ezagutzen duzu eskualdeko herriren bat non bertako toponimoa eta santa zaindaria enpresa-gizonek erabaki dituzten? Eta auzokide guztiek arbaso kanpotarrak dituztena? Bada, herri hori hemen alboan duzu, Itzubaltzeta / Romon", adierazi dute Sopelako Aitxu!, Berbots Erandion Euskaraz! eta Egizu Getxo Euskaldun! elkarteetako lagunek. Izan ere, igande honetan, apirilak 6, egingo dute udaberriko lehen berbatxangoa, “Itzubaltzetan, Romok 90 urte” lelopean. Horrenbestez, pasa den mende hasieran aipatu herrian eraikitako Etxe Merkeetatik gaur egungo gaztetxerainoko ibilbidea egingo dute. Tartean kultur-jarduera guneak eta eraikin interesgarriak bisitatzeaz gain, aspaldiko ohiturak, herri-historia eta hamaika bitxikeria ezagutuko dituzte. Aldez aurretik eman beharko da izena Sopelan (aitxuizuba[abildua]gmail.com / 603 894 364), Erandion (berbots[abildua]gmail.com / 634 410 575) edo Getxon (egizugetxo@gmail.com / 619 935 541). Argazkian, Ezequiel Agirre kaleko Etxe Merkeetako bat laga zien Getxoko Udalak Itzubaltzeta gaztetxeko kideei, Gobela ibaian uholdeak saihesteko obrak iraun bitartean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun