Egunean zehar, umeentzako puzgarriak, tailerrak, arko jaurtiketa... izango dira. Aurten, gainera, Kanpomartxok badu kantua Garilak 26 taldeak egina. Hori gutxi izango balitz bezala, 13an bertan flashmob-a egingo dute, koreografiarekin bideoa dago web gunean: "koadrilarekin elkartu, taldekideekin, familian… nahi duzuen moduan, baina… entsaiatzen hasi!", adierazi dute Berbotsekoek. Azkenik, doako autobusa egun osoan ibiliko da.
Egitaraua:
12:00etan, dantzak: Goi-Alde, Trabudu. Uztargi.
13:00etan, Mendibaiarte abesbatza.
13:15ean, bertsolariak: Andoni Egaña, Sebastian Lizaso eta Erandioko bertsolari gaztetxoak.
14:30ean, bazkaria (lagun talde bakoitzak berea eginda).
17:00etan, betiko kantuak Roberto Etxebarriaren eskutik.
17:00etan, umeentzako ekitaldia: Puski eta Txurruski pailazoen "Klownmunikatu fest".
18:00etan, dantzaldia: Garilak 26.
Kanpomartxoko flashmob-erako koreografia
Aurtengo Kanpomartxoko kartela
Bi igande barru, hilaren 13an, Santimami auzoan ospatuko dute aurtengo Kanpomartxo. Izan ere, antzina, Erandioko auzo ezberdinetako baserritarrak apirilaren hasieran aukeratutako egun eta toki batean batzen ziren Kanpomartxo izeneko festa egiteko. Egun horretan, musika doinuz eta dantzaz beteriko jai egunaz gozatzen zuten. Finean, erandioztar guztien arteko harremanak sendotzeko balio zuen ospakizunak. Bada, hainbat hamarkadatan galduta egon ostean, orain dela 24 urte berreskuratu zuen baserri giroko euskal jaia Berbots Erandion Euskaraz elkarteak. Ordutik hona, udalerriko txoko ezberdinak txandakatuz egin dute urtetik urtera. Gauzak horrela, eguerditik aurrera, dantzak, jolasak, bertsolariak, musika... edukiko dituzte, egunean zehar, bertan batzen direnek. Besteak beste, Trabudu, Goi Alde eta Uztargi dantza taldeak; Algortako Bertsolari Eskola (ALBE); Mendibaiarte abesbatza; Santimamiko Jai Batzordea; ikastetxeetako guraso elkarteak; Erandioko Gazte Asanblada eta herriko taldeak dituzte laguntzaile Berbotsekoek. Argazkian, orain lau urte Lutxanan ospatu zuten Kanpomartxo jaia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun