Igande honetan, apirilak 6, Bilbo eta Leioa lotzen dituen herri lasterketaren (lehengo Bilbo-Areeta lasterketa) hirugarren edizioa izango da. Bilboko udaletxeko zubitik irtengo dira korrikalariak goizeko 10:30ean eta, 12.100 kilometro egin eta gero, Leioako Aldapa parkera iritsiko dira, udal iturriek zehaztu dutenez. Gauzak horrela, eta korrikalarien segurtasuna bermatzeko, Felipe del Rio eta Otsobarrena kaleak, Leioako metro geltokiaren biribilgunearekin batera, trafiko mozketa laburrak jasango dituzte, beti ere udaltzaingoaren kontrolpean. Horretaz gain, Itsasadarreko errepidea moztuta izango da Getxotik Bilborako norabidean 10:00etatik 12:00etara. Lasterketaren nondik norakoak eta izen-emateko baldintzak webgunean jarri ditu Events Euskal Pressek. Argazkian, Bilbo-Leioa lasterketa itsasadarreko errepidean / © Event Euskal Press.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun