Bilboko Uriola.info agerkariak zabaldu duenez, Otxarkoaga, Deustuan eta Santutxun hiru lagun atxilotu ditu gaur goizean Ertzaintzak, Bilbon martxoaren 3an egin zen Foro Ekonomiko Globalaren harira izandako istiluekin lotura dutelakoan. Aipatu digitalaren arabera, Otxarkoagan atzeman duten laguna Urko Martinez da eta 25 urte ditu; Deustukoak 17 urte ditu eta Santutxukoaren inguruko informazioa laster zabalduko dute. Hiru gazteak Deustuko komisaldegira eraman dituzte. Ertzaintzak zazpi lagun atxilotu eta beste bat identifikatu zuen istiluetan eta gerora, joan den astean, beste hiru pertsona gehiago harrapatu zituen, tartean UKBERRI.NETeko kazetari bat, oraindik zabalik dagoen operazioan. Gazte Blokeak atzo, azken atxiloketen berri izan aurretik, jakinarazi zuen gaur manifestazioa egingo dutela Bilbon. Hitzordua arratsaldeko 7etan jarri dute, Zabalburu plazatik abiatuta. Argazkian, Iñigo Fernandez de Martikorena UKBERRI.NETeko kazetaria jada kalean zela joan den ostegunean Itzubaltzetan izandako kontzentrazioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun