Euskarari jarritako berme bakarra 12.4 artikuluak ezartzen zuen: "saltokiko barnealdean eta kanpoaldean jarri daitezkeen errotuluak edota inskripzioak, modu elebidunean (euskara-gaztelania) jarriko dira, euskarari lehentasuna emanez eta mezu ulerkor baten bitartez".
Getxoko EH Bilduk aurkeztutako idatzia (pdf)
Neguri Langileko Ambigú tabernaren ustiapenerako baldintza-agirien kontrako errekurtsoa aurkeztu du Getxoko EH Bilduk, "euskaldunon hizkuntza eskubideen aurkakoak" direlakoan. "Gernika plazan Udalak ustiapenean utziko duen tabernaren pliegotan euskara jakiteak mobiliarioak baino puntuazio gutxiago dauka", kritikatu du koalizio suberanistak. Ez da lehen aldia udalerrian horrelakorik ematen dela. Besteak beste, Getxoko Udal Gobernuak Algortako Ereaga hondartzako Terraza taberna esleipen publikora atera zuen 2010eko apirilean. Orduan, Terraza Euskaraz ekimenaren bidez, 47 euskaltzalek euskarazko zerbitzua eskaintzea baldintza gisa jartzea eskatu zioten Hirigintza Arloari. EAJk bakarrik osatzen zuen Udal Gobernuak, baina, ez zuen esleipen-baldintzetan horrelakorik jaso. Euskarazko zerbitzua eskaintzea balorazio irizpide gisa baino ez zuen erabili Udalak, proiektu osoaren %1,75eko garrantzia eskainiz. Argazkian, Terrazaren esleipena irabazi zuen Ondizko Sociedad Limitada Leioako enpresak errotulazioari buruzko irizpideak ere ez zituen betetzen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun