Ur edangarria banatzeko udal-sarea hobetu eta ur-ihesak gutxitzeko Getxoko Udala egiten ari den jarduerak bi gune berrietara zabalduko dira astelehenetik (hilak 7) aurrera: Galea eta Neguriko Makaleta Etorbidea eta behe aldea. Eginbehar horiek, Getxon urez hornitzeko sarea Kudeatzeko Planaren barruan daude. Halaber, plana Agenda 21 egitasmoaren barruan dago. Izan ere, "banaketa-sarearen sektorizazioa" egitea dute helburu. Bada, aipatu jarduketak direla eta, ur edangarriz hornitzeko udal-sareko presioan aldaketak izango dira aipatu aldeetan, lanok egiten diren bitartean. Aldaketak ordu jakin batzuen artean gertatuko dira, hain zuzen, 10:00etatik 13:00etara. Presio-handitzeak edo presio-txikitzeak gertatuko diren arren, biztanleek erabat bermatuta dute ur-hornidura, udal iturriek diotenez. Argazkian, beste herri lan batzuk, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun