Nazioartean, Egiptoko Luxorreko Zine Afrikarraren Jaialdian parte hartu zuen Europako pelikula bakarra izan zen “Jambo Amani?” eta Oscar aurretiko Australiako Flicker Fest izenekoan aukeratu zuten. Ukraniako hiriburuan, Kieven, 2013ko dokumentalik 32 onenen artean sailkatu zuten. Getxoko Udalak azpimarratu duenez, Unesco Etxeak ekoiztutako dokumentalak sentsibilizazio eta garapenerako heziketako deialdiaren barruko udal diru-laguntza jaso zuen.
Biografia
Unai Aranzadi (1975) kazetari eta errealizadore getxoztarra da, gatazka armatuetan eta giza eskubideetan espezializatua. Zinema New Yorkeko Unibertsitatean ikasi zuen eta Argazki-Kazetaritzako diplomatua da Bartzelonako Unibertsitate Autonomoan. Hamaika gerraren berri (Libia, Txetxenia eta Ingushetia, Irak, Kolonbia, Palestina…) eman du, BBC, CNN+, ETB edo TVE telebistetarako eta "La Jornada", "El Pais", "Gara" edo Reuters egunkariekin kolaboratu du, besteak beste. 2001 urteaz geroztik Suediako Estokolmon dagoen Independent Docs TV produkzio-etxea zuzentzen du eta han bizi da. Orain arte burututako dokumentalen artean daude “Blackout” (2004) Estatu Batuek Iraken ezarritako okupazioari buruzkoa (Al Jazeerak igorrita); “La guerra de los niños” (2005) Ugandako Iparraldeko ahaztutako gatazkako ume soldaduei buruzkoa (Canal+ izenekoak igorrita) eta “Nosotras Centroamericanas”, Erdialdeko Amerikako emakumeen kontrako indarkeriari buruzkoa. Azken horrek Medicus Mundi entitatearen giza eskubideen saria irabazi zuen. Iaz Getxoko Udalak Aixe Getxo! kultur saria eman zion, “Kultura Hezkuntzan eta Baloreetan” atalean.
Filmaren aurrerakina (© Unai Aranzadi - Independent Docs TV
Getxoztar baten filma, Donostiako Giza Eskubideen Zinemaldian
2014ko api. 8a, 00:27
Unai Aranzadi kazetari eta errealizadore getxoztarrak “Jambo Amani?” (Bakea dugu?) izeneko dokumentala aurkeztuko du bihar Donostiako Giza Eskubideen XII. Zinemaldian. Proiekzioa Victoria Eugenia antzokian egingo da, arratsaldeko 4:30ean, jaialdiaren atal ofizialaren barruan. 2012ko iraila eta urrian grabatutako “Jambo Amani?” ordu erdiko iraupeneko dokumentalak Kongoko Errepublika Demokratikoko FDLR miliziano talde batek indarkeria alde batera utzi, armak entregatu, Nazio Batuen birgizarteratze programarekin bat egin eta Ipar Kivuko mendi gatazkatsuak atzean uztearekin pozik, Goma hirira doan helikoptero batera zela igoko diren erakusten du. Lana Helsinkin izan zuen munduko estreinaldia eta pasa den maiatzean aurkeztu zen Getxon, “Hijos del volcan” izenpean, ondoren mundu osoko 17 jaialditan ikusi ahal izan dela. Argazkian, Laurent Nkunda Kongoko militarra / © Unai Aranzadi - Independent Docs TV.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun