Gipuzkoaren kasuan 4.000tik gora ale landatu dira 2013ko abendutik eta 2014ko martxora bitartean (haltzak, lizarrak, sahatsak, hurritzak, tamarindoak), bost arro hidrografikotako 15 udalerritan (Ezkoriatzan, Bergaran, Oiartzunen, Tolosan, Ormaiztegin, Zarautzen, Mutiloan, Iruran, Adunan, Usurbilen, Añorgan, Hernanin eta Donostian).
Araban, denbora tarte berean, 3.500 ale landatu dira sei arro hidrografikotako hainbat udalerritan, besteak beste, Santikurutze-Kanpezun, Urizaharran, Gaubean, Gasteizen edo Alegria-Dulantzin.
URAren Ibaien mantentze, kontserbazio, berreskuratze, lehengoratze eta ingurumen hobekuntzarako zerbitzuaren barnean daude lanok. "Uraren Euskal Agentziak espresuki sustatutako zerbitzua da, eta ibaiertzetako ingurumenaren egoera berreskuratzera -hizpide diren landaketak kasu- edo ibaien ur hustuketarako ahalmena murriztu ditzaketen oztopoen metaketa ekiditera bideratuta dago", Europa Press-ek azaldu duenez.
URA Uraren Euskal Agentziak Euskal Autonomia Erkidegoko (EAE) ibaietako ertzetan zuhaitzen landaketarako neguko kanpaina bukatu berri du. Landaketok udaletatik eta URAren ibai ikuskaritza zerbitzutik helarazitako eskakizun orori eman diete erantzuna, eta guztira 11.500 zuhaitz ale landatu dira, 137.000 euroko inbertsioa eginez, Europa Press albiste agentziak zabaldu duenez. Bizkaian, URAk ibai erriberako 3.900 zuhaitz ale landatu ditu (haltzak, lizarrak, sahatsak, hurritzak, tamarindoak), 13 arro hidrografikotako 32 udalerritan. Hori guztia gauzatzeko 404 ikasleren laguntza ere jaso du Berango, Getxo, Muskiz, Amoroto, Aulestitik eta Munitibar, Arbatzegi eta Garrikaitzegitik, azken hiru horiek Bengolako interpretazio zentroaren bitartez. Argazkian, Neguriko Gobela ikastolako 42 neska-mutilek 120tik gora zuhaitz landatu zituzten otsailean, izen bereko errekaren ezkerreko ibaiertzean, Algortako Etxezuri-Larrañazubi aldean / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun