Aita Mari tabernaren izenean, Oscar Martinez oso pozik agertu da, eta nabarmendu du “egiterakoan beti erabiltzen dituztela inguruko produktuak eta lehiaketak lortu duela tabernara hurbildu den jendeak euskaraz gehiago hitz egin izatea. Pintxo horren atzetik sailkatu dira La Reja eta Burdinola tabernak, epaimahaiaren sariari dagokionez, eta Burdinola eta Arotza, publikoaren sariari dagokionez.
Pintxo tradizional onena, Eusko Label produktuekin eginikoa, Bikain jatetxearena izan da, "Euskal indabadaren ikuspegi berria" pintxoarekin (Tolosako indabak, arroz-odolostea, Orozkoko txorizoa, Ibarrako piparrak, tipula, esne-gaina, arrautza, piper gorria|berdea, esnea, aza, saiheskia). Horren atzetik geratu dira Jolastoki eta Akeita. Alain Garcia Bikaineko sukaldariak adierazi du pintxoa bere anaiaren ohorez egin zuela eta Udalari eskerrak eman dizkio lehiaketa antolatzeagatik, “horri esker jende gehiago ibili delako tabernetan”.
Bestalde, Abianeko Bartitze Lertxundik azaldu du oso pozik daudela sariarekin, euskarari lehentasuna ematen dion kultur entitatea delako eta “hori establezimenduko elementu guztietan geratzen dela agerian”. Horren ondotik sailkatu dira La Txoko eta Ugartena.
Azkenik, Burdinola tabernak irabazi du barra onenaren saria, "Foie lasagna" pintxoarekin (pasta freskoa sagar eta foierekin eta azukre, mahaspasa eta pinaziekin glaseatuta), eta bere atzetik Aita Mari eta Ugartena izan dira.
Dani Montes Burdinolako bozeramaleak sukaldariei beren lana eta bezeroei tabernara joatea eskertu die, bi gauza horiengatik hainbat pintxoren barra ona edukitzea lortu dutelako.
Hitz ederrak
Hitz eder onenen artean hainbat sari banatuko dituzte, Euskaltel, Eusko Label, Iñaki Bitxi-denda, Supersonido, Exquissitum Gourment, Basalbo jatetxea, Kontxi urdaitegia, Intersport, Gaztañaga eta Turismo Bulegoaren babespean. Eguraldi onari eta kale-animazioari esker jendea tabernetara hurbildu da eta giro aparta sortu da. Lehiaketaren beste helburu bat da hizkuntz-paisaia euskararena izaten laguntzea, eta oraingo honetan Udalak 36 txartel jarri ditu tabernetan.
Aita Mari, Bikain, Abian eta Burdinola tabernak, guztiak Algortakoak, izan dira V. GetxOnegin Pintxo Lehiaketako sarien irabazleak, udal iturriek jakinarazi dutenez. Lehiaketa aurreko bi asteburuetan ospatu da udalerrian. Epaimahaia eta publikoa bat etorri dira eta bien sariak Aita Marik irabazi ditu, "Ikurriña bai, Prost" izeneko pintxoarekin (pil-pila, saltsa bizkaitarra eta txipiroi-saltsa, ahuntz-gazta ekologikoa, ricotta gazta italiarra, guakamolea, Bermeoko antxoak). Euskararen erabilera egokiena saritzen duena, berriz, Abian tabernak jaso du, izen berdina daraman pintxoari esker (ogi txigortua tomate-marmelada, ardi-gazta, tipula karamelizatu, urdaiazpikoa plantxan, intxaur eta Modenako ozpin baltsamikoaren kremarekin). Getxoko Udalak emandako datuen arabera, aurten 49 saltokik parte hartu dute eta 6.100dik gora boto eta piropo-txartel batu dira, pintxoen inguruan. Hitz ederren saria Paula Chicanok jaso du, "Holako kiribilekin, holako kolorearekin zer ez nuke egingo nik zurekin!" Villamonte tabernan utzitakoarekin. SMS bidez igorritako hitz goxoen atalean, txapelduna Aritz Goikoetxea izan da: "Zelako testura, zelako piura, ni zurekin joango nintzake zerura!", Burdinolan utzitakoa. Argazkian, saritutako lagunak / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun