Ur edangarria banatzeko udal-sarea hobetu eta ur-ihesak gutxitzeko Getxoko Udala egiten ari den jarduera Azkorri aldera zabalduko da etzidamu, astelehenean. Udal iturriek gogoratu dutenez, eginbehar horiek, "Getxon urez hornitzeko sarea Kudeatzeko Planaren barruan" daude. Halaber, plana Tokiko 21 Agendaren egitasmoaren barruan dago. Izan ere, "banaketa-sarearen sektorizazioa" egitea dute helburu. Bada, aipatu jarduketak direla eta, ur edangarriz hornitzeko udal-sareko presioan aldaketak izango dira Aizkorri inguruan, lanok egiten diren bitartean. Eragina izango dute, batez ere, honako toki hauetan: Goienetxe, Diliz, Moreaga, Perune eta Martiturri estartak, Maidagan, Mirua eta Juan Vallejo kaleak eta Zientoetxeko errepidea. Aldaketak ordu jakin batzuen artean gertatuko dira, hain zuzen, 10:00etatik 13:00etara. Argazkian, presio-handitzeak edo presio-txikitzeak gertatuko diren arren, biztanleek erabat bermatuta dute ur-hornidura, udal iturriek diotenez / cc-by-sa afoncubierta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun