2013an burututako 359 tesietatik, 118 Zientzia Esperimentalen ezagutza-arlokoak izan ziren, 83 Gizarte eta Zuzenbide Zientzietakoak; 68 Ingeniaritza eta Arkitekturakoak; 51 Osasun Zientzietakoak eta 39 Arte eta Humanitatekoak. Horietatik guztietatik, 108 nazioartekoak izan ziren, aurreko ikasturtean baino %42 gehiago. Nazioarteko aipamen hori ematen diete nazioarteko beste ikerketa zentro batekin elkarlanean egin eta epaimahaian ikertzaile atzerritarren bat duten tesiei.
Halaber, 2008/09ko doktoregoko 35 sari bereziak ere eman ziren atzoko ekitaldian. Sari horiek ematen dizkiete nazioarte mailan izan duten garrantziagatik, zientziari egin dioten ekarpenagatik eta era adierazgarrian jakintza berriaren sorreran lagundu izanagatik nabarmendu diren tesiei.
Euskal Herriko Unibertsitateak 2013an tesia irakurri zuten 359 doktore berrien izendapen ekitaldia ospatu zuen atzo Leioa eta Erandioko campusean. Gainera, 2010/11 ikasturteko doktoregoko sari bereziak ere eman zituzten Master eta Doktorego Eskolak Areto Nagusian antolatutako omenaldian. Ekitaldia Iñaki Goirizelaia errektoreak presiditu eta hitzaldi nagusia Herman Uscategui Starbucks Coffee Company-ko Estrategia Orokorreko zuzendariak eman zuen, “Globalizacion: Euskadi y el mundo” izenburupean. Goirizelaiak azpimarratu zuenez, “ekitaldi honen helburu nagusia da doktore berrien lanari aitorpena egitea. Baina baita ere, gizartearen aurrean beraiez harro gaudela adieraztea eta gizarteak gaurtik aurrera bere onurarako erabili behar lukeen ondasun handia duela aditzera ematea”. Guztira, iaz 175 emakumek eta 184 gizonek irakurri zuten tesia EHUn, haietatik 33 euskaraz. Argazkian, omenduen errenkada / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun