Imanol Landa EAJren Getxoko alkatearen kontra, Marisa Arrue PPren tokiko bozeramaileak aurkeztutako prebarikazio salaketaren harira hasitako eginbideak artxibatu ditu Bizkaiko Fiskaltzak. Salaketa, joandako urtarrilaren 24an aurkeztutakoa, Udaleko zenbait erakunde autonomoetako langileengan eragina zuen eta zegozkion Lan Eskaintza Publikoen (LEP) bitartez konpondu ez zen behin-behinekotasun egoeran oinarrituta egin zuten. Fiskaltzak bere ebazpenean, hasitako eginbideen emaitza aintzat hartuta, jarduteak artxibatzea erabaki du, uste baitu "arrazoirik ez" dagoela "aipatu eginak delitua eratzeko modukoak direnik jotzeko". Landak, bere aldetik, Fiskaltzak hartutako erabakiarengatik poza agertzeaz gainera, Arrueren estrategia ere salatu du: “Ḿihitzarrak ikatzak bezala belzten du’ esanaren estrategiari jarraitzea da Arrue andereak era horretako bidegabeko salaketen bitartez egiten duena. Udaleko langileen behin-behinekotasunari dagozkion LEPen bidez aurre egiteko sortutako Enplegurako Plan Integralaren aurka udalbatzan bozkatu zutenen inkoherentzia ere salatzekoa da neurri berean”. Argazkian, besteak beste, Nerea Llanos Bizkaiko PPren idazkari orokorra eta legebiltzarkidea eta Marisa Arrue Getxoko PPren bozeramailea izan ziren Bilboko Justizia Jauregian, salaketa aurkezten.
Halaber, “hautestontzietan lortzen ez dituen helburu politikoak lortzeko, Getxoko PPk ospe-galtze pertsonalaren estrategiara jo izana” deitoratu du alkateak. Edonola ere, “hiritar getxoztarrak izango dira, seguru nago, Getxoko PPren estrategia errepikaria beste behin eta doitasunez baloratuko dutenak”, amaitu duenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun