2006ko apirilaren 11n okupatu zuten Txorimalo gaztetxeak zortzi urte bete ditu jada. Hori dela eta, larunbatera bitartean, ekitaldi ugari egingo dituzte Getxo aldeko zentro sozial autogestionatuan zein Algortan. Gaur arratsaldeko 7etan ospakizunaren hasiera ekitaldia egingo dute; traka, dantzak, luncha eta bideo emanaldia izango direla. Egunari bukaera ederra emateko, belaunaldien arteko bazkaria egingo dute. Asteazkenean, berriz, "Bat gehiago herrian" ekitaldia egongo da, besteak beste. Eta ostegunerako agrolinpiadak eta bertso afaria antolatu dute. Ospakizunekin jarraituz, ostiralean, "Desentxufatuak" antzezlana izango da eta Haizea bakarlaria igoko da gaztetxeko agertokira. Azkenik, larunbateko egun handira helduta, Joxe Replay, Ertz, Zartako K eta MJ Txokitron taldeek joko dute bertan; aurretik tortilla txapelketa eta herri bazkaria izango direla. Larunbateko egun osorako txartelak Abian tabernan zein Eztabaida gune antiautoritarioan egongo dira salgai, 8 eurotan, ostiral goizera arte. Argazkian, bihar gaztetxetik herrira egingo dute salto ospakizunek.
Apirilak 22, asteartea
19:00 Hasierako ekitaldia (luncha, traka, dantzariak)
20:00 Film laburrak.
Eta gero belaunaldien arteko afaria.
Apirilak 23, asteazkena
Herrian.
11:00 Umeentzako tailerrak.
17:00 Debalde azoka eta umeentzako azoka.
Bat gehiago herrian.
Apirilak 24, osteguna
17:30 Agrolinpiadak.
21:00 Bertso-afaria: Hodei Barroso eta Imanol Uria.
Apirilak 25, ostirala
20:00 "Desentxufatuak" antzerkia Ez Dok Hiru taldearen eskutik (3 euro)
21:30 Bakarlaria: Haizea (Erandio)
Goizean larunbaterako txartelak kenduko dituzte.
Apirilak 26, larunbata
12:00 Tortilla txapelketa.
15:00 Bazkaria. Bingoa eta sari banaketa.
19:00 Kontzertuak: Joxe Replay, Ertz, Zartako K eta MJ Txokitron.
Egun osorako txartela 8 eurotan salgai Abian Kultur Elkartean eta Eztabaida Gune Antiautoritarioan. Kontzertua bakarrik 5 euro.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
2006ko apirilaren 11n okupatu zuten 