Itzubaltzeta gaztetxearen etorkizuna kolokan

URAk 400 metrotako hodia jarri du Itzubaltzetan

Erabiltzailearen aurpegia

URA Uraren Euskal Agentziak ordezkatu ditu behin-behineko ur ponpaketa sistemak Gobela ibaiko Errekagane kaleko antzinako ibilguan, Itzubaltzeta / Romon. Horien ordez, Cristobal Valdes eta La Bolako gainezkabideen artean ur desbideratze bat ireki du, Cristobal Valdeseko gainezkabidetik uretan beherako ibilguan ur emari egonkorra ahalbideratze aldera, Eusko Jaurlaritzaren menpeko erakundeak baieztatu duenez. Gainezkabide bi horien artean 400 metrotako luzera duen hodi bat jarri dute, uren ponpaketarako sistema barne. "Izan ere, orain, Errekaganeko eremuan ibaiaren estaldura eraisteko lanak bukatzear dira, eta beraz, ez dute gehiago oztopatzen behin-behineko hodi hori jartzea", azaldu du URAk. 2013an Errekaganen lanak hasi zituztenetik honako hauek egin dira: ibai ibilgua zabaltzea ahalbidetuko duten 227 pantailak (jarriko direnen %82a) eraiki dira, La Bolako gainezkabidetik desbideratu da ura, eremuko arrain fauna tokiz aldatu da, Errekaganeko ibilgu hondoaren zorua egin da eta urbanizazio lanei ekin zaie. Argazkia: © URA.

Momentu honetan, URAk falta diren azken 50 pantailak eraikitzean dihardu Gobela ibaiko tarte honetan, Avanzada eta Plentzia Hiria artean. Baita Cristobal Valdes eta La Bolako gainezkabideen arteko ibai-ibilgua 6 metrotik 11 metrora zabaltzeko lanetan ere. "Lan hauek egin ahal izateko, ura ohizko ibilgutik desbideratu behar izan da, eta, hartara, ibilgua lehor gelditu da. Hori izan da usai ezatseginak egotearen arrazoia", adierazi dutenez. URAk "lanen egutegiari tinko" eusten dio, 2014ko azken hiruhilabeterako I. fasea burutze aldera eta II. Fasearekin ekin aldera, Leioako zubira doana.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun