Romo Kultur Etxearen IIA fasea 3,7 milioi eurotan Aula Romo enpresa taldeari esleitzea onartu du Getxoko Gobernu Batzarrak, bere azken bileran. Aurrealdea eta estalkiak eraikitzea, trenkada-multzoa eta mota guztietako instalakuntzak (elektrizitatea, iturgintza, klimatizazioa, eta abar) aurreikusten dituzten lanak 5,5 milioi euroko (BEZa barne) aurrekontuarekin atera ziren lehiaketara, eta ondorioz esleipenean %32,7eko aurrezpena izan da, udal iturriek adierazi dutenez. Esleipenaren arabera, obra berri horien iraupena 60 astekoa izango da eta epe hori 21 egunetan ere murriztu egin da, hasierako proposamenaren aldean. Datorren maiatzaren amaieran hastea espero dute, Zuinketa Egiaztatzeko Akta izenpetu ondoren. Argazkian, auzokideak egungo proiektuaren kontra agertu arren, aurrera jarraitzen dute Romo Kultur Etxea altxatzeko lanek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun