Hamazazpi urtez euskal preso eta iheslari politikoekiko elkartasunari ateak parez pare zabalik izan ostean, gaur, apirilak 25, egingo dute Amnistia tabernaren agur jaia Algortan. Sarrikobaso kaleko ostatua itxi eta Villamonte inguruko Bolue kaleko Marel taberna zenera aldatuko dute. Hala ere, izenik ez diote jarri oraindik maiatzaren 2an zabalduko duten egoitza berriari. Gaur, Amnistian, 20:30etik aurrera egingo duten ospakizunean aukeratuko dute zozketa bidez taberna berriaren izena, azken egunotan herritarrek proposatutakoen artean. Horretaz gain, argazki erakusketa eta luncha izango dira. Baina, aurretik, hileko azken ostiral guztietan bezala, euskal preso eta iheslari politikoen eskubideen aldeko kontzentrazioan izango dira Euskal Herri osoan. Algortan, 20:00etan jarri dute hitzordua Telletxe plazan. Bertatik Amnistia tabernara kalejira egingo dute, trikitilariek lagunduta, behin elkarretaratzea amaituta. Argazkian, garai batez Albesto Ceballos artista eta pintorearen horma-irudiak dekoratu zuen taberna kanpoaldea / cc-by Etengabe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun