Leioako Udaltzaingoak ohartarazitakoaren arabera, azken egunetan hainbat lapurreta eman dira kalean eta egun argiz. Zehazki, bitxiak lapurtzen ari zaizkie pertsona nagusiei. Holako kasu baten aurrean, edo susmoa badagoen, Udaltzaingora edota Ertzaintzara deitzea gomendatu dute tokiko iturriek. Udal leioaztarretik azaldu dutenez, azken egunotan, hainbat salaketa eta abisu izan dira hirugarren adineko pertsonen artetik, kalean ezezagun batek egindako agur beroaren ostean euren bitxien falta sumatu ei dutelako. Holako kasuetan, ezezagunaren agur beroa izaten da, besarkada eta laztanez, eta momentu horiek aprobetxatuz lapurrak bitxiak kentzen dizkio biktimari. "Gogoratu behar da inoiz ere ez dutela indarra erabiltzen lapurreta egiteko, trebetasunez aritzen dira biktima lapurretaz ez konturatzeko", adierazi dute. Argazkian, udaltzainak lanean / © Leioako Udala.
Normalean, bakarkako lana izaten da lapur hauek egiten dutena, emakumezkoak dira, adin ertainekoak (24 eta 50 urte bitartekoak) eta atzerriko azentuarekin. Beraz, adineko emakumezkoei arreta eskatzen zaie. Holako jarrera susmagarriak ikusiz gero, Leioako Udaltzaingoa edota Ertzaintza jakinaren gainean jartzea eskatu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun