Ordenantzaren helburua, negozio bat ireki edo eguneroko obrak egun gutxitan egitea erraztea da, beharrezkoak diren baimenak lortzeko itxaron beharra saihestuz, jardunbideak sinplifikatuz eta izapideak azkartuz. Aldez aurreko komunikazio erregimen horrek lan txikiengan eta lokaletan tamaina ertaineko jardueren ezarpenarengan, udalerriko ohikoenetan, eragina izango du. Geroagoko kontrolik ez duten gainontzeko jardunbideak hirigintza-lizentziaren eraginpean egongo dira.
Zerga bat eta bi tasa, aldatuak
Onartutako ordenantzarekin bat etorriz, EIOZ (Eraikuntza, Instalazio eta Obren gaineko Zerga) eta Hirigintza Zerbitzuengatiko eta Obra Lizentziagatiko eta Irekitzeko Lizentziagatiko Tasei dagozkien ordenantza fiskalak moldatu dituzte. Moldatzeko erabakiaren alde bozkatu zuten EAJk eta PSE-EEk. PP eta Bildukoak abstenitu egin ziren. Hiru kasuetan, moldatze teknikoak baino ez dira izan eta litezkeen salbuespen edo hobariak ez dira egokitu.
Saltokia zabaldu edo etxean obra txikiak egiteko erraztasunak adostu dituzte Getxon
Getxoko Udalbatzak hirigintza-lizentziei eta komunikatutako egintzei buruzko udal Ordenantzaren behin-behineko onespena egin zuen atzoko osoko bilkuran. Arau berriak saltokiak ireki edo etxebizitzetan edo jabeen erkidegoetan, hirigintza-lizentziarik behar ez duten obra txiki jakin batzuk egitea bermatuko du, aitorpen arduratsua edo aldez aurreko komunikazioa baino ez aurkeztuta. Bertan, eskatzaileak indarrean dagoen araudiak eskatutako baldintzak betetzen direla aitortuko du. Saltokia zabaldu eta gero, Udalak dena behar den bezala dagoela egiaztatuko du. "Horrek ekarriko duena da, jardunbideak azkartu eta etxebizitza eta saltokietan eguneroko lanak egiten hasteko herritarrek egiten dituzten eskaerei erantzuteko epeak laburtu egingo direla", azaldu dute tokiko agintariek. Proposamena, EAJren, PPren eta PSE-EEren aldeko botoekin onetsi zuten. Bildu abstenitu egin zen. Argazkian, Getxoko udaletxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun