Datorren asteari dagokionez, astelehenean, maiatzak 12, "¿Esperamos o nos movemos?" izenburuko hitzaldia eskainiko du Sopelan Koldo Saratxaga enpresa-gizonak. Hitzordua 19:00etam izango da, Kurtzio kultur etxean.
Ostegunean, maiatzak 15, orain arte egindako lanaren aurkezpena egingo du Gure Esku Dagok Getxoko Andra Mari elizako apaiz etxean, 19:00etan.
Amaitzeko, ostiralean (hilak 16), hitzaldia izango da Itzubaltzeta / Romoko kultur etxean, 19:00etan. Paco Letamendia "Ortzi" eta Iñigo Urrutia EHUko irakasleek, eta Zelai Nikolas abokatuak; azken bi horiek uribekostarrak.
Ekainaren 8a gertu
Ekainaren 8an Iruñea eta Durango batuko dituen jende katea osatu dadin atsedenik hartu gabe lanean ari dira Gure Esku Dago plataformak Uribe Kostan dituen taldeak. Hitzordurako hilabete bat eta egun batzuk falta direla, erabakitze eskubideak sentsibilitate ezberdinetako militanteak batu ditu jada Erandion, Leioan, Itzubaltzeta / Romo eta Areetan, Algorta eta Getxon, Berangon, Sopelan eta Gorlizen. Uribe Kostari dagozkion Elorrio (Leioa), Arrasate (Erandio) eta Antzuolako (eskualdeko beste udalerriak) kilometroak jendez hornitzeko, han-hemenka izan dira, helburuak azaltzen, metroak banatzen eta autobusak antolatzen.
Egun hauetan zehar, erabakitzeko eskubidearen aldeko hainbat ekintza izango dira Uribe Kosta eskualdean, tokian tokiko Gure Esku Dago taldeek antolatuta. Hasteko, gaur bertan, "Erabakitzeko eskubidea nazioartean" izenburuko hitzaldia eskainiko du Plentzian Urtzi Urrutikoetxea idazle, kazetari, bertsolari eta blogariak. Hitzordua 19:30ean jarri dute Goñi Portal kultur etxean. Asteazkenean, berriz, Algortako Villamonte kultur etxean egingo dute mahai-ingurua Iñaki Zarraoa EAJren Getxoko alkatea izandakoak, Jose Felix Azurmendi kazetariak eta Josu Amezaga EHUko irakasleak eta ezker abertzaleko zinegotzi izandakoak. Saioa 20:00etan izango da. Ostiralera (hilak 9) helduta, "Gazta zati bat" dokumentala proiektatuko dute Urdulizko kultur etxean, 20:00etan. Eta Astrabuduako Mendiguren plazan (20:00etan) Erandioko bideokliparen aurkezpena egingo dute, taloak, antzezpena, giza-katea, zuzeneko musika eta txosna izango direla. Aste honetako ekitaldiei bukaera emateko, larunbatean, giza-katea egingo dute Areetako Xake plazan, 12:30etik aurrera. Argazkian, martxoaren 16an argazki erraldoia egin zuten Astrabuduan / © Gure Esku Dago Erandio.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun