Aitor Bilbao algortarrak edo, ezagunagoa den bezala, Tor magoak magia ikuskizun batez aurkeztuko du bihar sakelako telefonoetarako zein tabletetarako ieaj-pnv aplikazioa edo "liburuxka magikoa", EAJk zabaldu duenez. Izan ere, alderdi jeltzalearen arabera, "Errealitate Handituaren teknologiari esker", gailu horrek "informazio unibertso berrirako sarbidea eskainiko" du, eta "ikus-entzunezko esperientzia harrigarriak egongo dira eskuragarri ieaj-pnv aplikazioa eskuko telefonoan edo tabletean jaistera animatzen eta ausartzen direnentzat". Gauzak horrela, Tor magoak, Izaskun Bilbao hautagaiak eta Andoni Ortuzar EBBko presidenteak bihar arratsaldeko 6etan Bilboko Sabin Etxearen kanpoaldean egingo duten aurkezpenetik aurrera EAJren Europako Legebiltzarrerako hauteskunde kanpaina jarraitu ahal izango da aipatu aplikazioa erabiliz. Argazkian, ezkerrean, Tor magoa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun