Aretoa karrera profesionalaren hasieran dauden artistei zuzenduta dago, merkataritza ordezkaritza eduki zein ez. Parte hartzeko bi derrigorrezko baldintza daude: adinduna izatea eta aurretik banako erakusketetan parte hartu ez izana.
Artea erakusteaz gain, aurten Getxoartek lehen urratsetan dauden artistak gidatzeko, laguntzeko eta aholkatzeko euskarri izan nahi du. Horretarako, dosierra prestatu eta aurkezten den unetik aurrera, hautatu, proiektua produzitu eta erakusketan jarri bitarte, artistek akonpainamendu eta aholkularitza prozesuan hartuko dute parte. Harik eta emaitzak erakutsi bitarte, lan-prozesua berez ikaskuntzaren zati izan nahi du Getxoartek.
Getxoarteren zuzendaritza arduratuko da prozesuaz eta horren bitartez ekoizpenarekin, edukien edizioarekin eta erakusketarekin berarekin loturiko alderdi guztien gaineko zalantzak argitu eta gidatuko dira. Prozesuan lanerako bilerak egingo dira, fisikoak eta/edo on-line bidezkoak. Getxoarten hitzaldiak ere egongo dira, arte munduko profesionalen eskutik, azokaren hezkuntza-eskaintza borobiltzeko. Horrezaz gain, bisita gidatuak eta haurrentzako tailerrak ere egongo dira.
Azkenik, aurten sari bat egongo da Praktika Garaikideen Aretoan. Epaimahaiak erakutsiko diren lanen artean bat hautatuko du, kalitatea, formatua eta proiektua kontuan hartuta. Saria 2.000 eurokoa izango da, eta Getxoarteren Bilduman sartuko da lan irabazlea. Obra hori, ezarritako hitzarmenaren arabera, Arabako Artium museoan erakutsiko da.
Arauak
Getxoarte 2014an parte hartu nahi duten artista orok arauak eta izena emateko orria dituzte eskura Algortako Villamonte kaleko kultur etxean eta honako estekan. Halaber, Estatuko Arte Ederren fakultate guztietan eta zenbait arte galeria eta museotan jaso daitezke.
2012an Getxoarte erakustaldia bertan behera utzi eta 2013tik aurrera bi urtean behin egingo zela iragarri arren, iaz bezala aurten ere Getxoarte izango dela iragarri du Getxoko Kultur Etxeak. Gainera, aste honetan hasita, 2014ko "Getxoarten parte hartu nahi duten artista guztiek" beren proiektuak aurkeztu ditzakete Algortako Villamonte kaleko kultur etxean. Arte aretoa Areetako Xake plazako karpara itzuliko da azaroaren 7ik 9ra eta "ohiko formatua" izango duen arren, antolatzaileek "zenbait nobedade" iragarri dituzte. Alde batetik, deialdia Araba, Bizkaia eta Gipuzkoako artista gazteentzat izateaz gain, Estatu espainolekoengana ere zabaldu dute, nafarrek kategoria horretan eman beharko dutela izena. Hortaz, aurreko edizioetan ez bezala, Ipar Euskal Herriko artistek ezin izango dute parte hartu arte topaketan, EAEn erroldatuta egon ezean. Beste aldetik, sortzaileek aholkularitza-prozesuan parte hartzeko aukera izango dute. Eskabideak jasotzeko epea maiatzaren 30ean amaituko da. Guztira, Getxoarteren epaimahaiak 30 proposamen hautatuko ditu, iaz baino 17 gutxiago. Proiektu bakoitzak bere postua izango du, horietako 22 euskal artistentzat izango direla eta gainerakoak, beste jatorri batzuetako sortzaileentzat. Argazkian, artista gazte bat erakusketa prestatzen Getxoarteren aurreko edizio batean / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun