Halere, Uribe Kostako campusa ez da kritikatzen duten bakarra: "Basurtun gauzak ez daude hobeto, daukaguna txapazko irakaskuntza unitatea da. Behin behineko izango zela esan zen eraikina, askoz jota lau urte iraungo lukeena, berria egin bitartean. Halere, ikusten duzue, gu baino zaharragoa da".
Protesta deialdia sare sozialetan sortu zen eta Erik Urutxurtu deitzaileetako eledunak gogoratu duenez, azken mailako ikasleen helburua "gure ostean datozen ikasleek fakultatea ospitale baten ondoan ez duten Estatuko bakarrak izan ez daitezen gure harri koxkorra ekartzea" da, haiei agindutakoa bete ez dela salatzeaz gain.
Soka luzeko aldarrikapena
Halere, biharkoa ez da izango gai honen inguruan sortu den kexa bakarra. Izan ere, 2013ko bukaeran, ikasleek Eusko Jaurlaritzako Hezkuntza Sailari eskatu zioten Basurtuko fakultateko proiektuarekin zer gertatzen zen argitzeko, gaur bezala hasi gabe zegoela. Garai hartan, Medikuntza, Odontologia eta Erizaintzako ikasketak hartzen dituen eraikineko sabaietatik txintxorra erortzen zela salatu zuten. Era berean, Eusko Jaurlaritzak ikasle gehiago onartzeak masifikazio arazoa handitu zuela eta protestak izan ziren.
Ikasleak aitortu dutenez "suminduta" daude Errektoregoak eta Eusko Jaurlaritzak "agindutakoa ez dutelako bete". Gogoratu dutenez, bi erakunde horiek "EHUko lehentasunezko proiektua zena" atzeratu dute sei urtez, "gutxienez bi alditan". Bitartean, ikasle horiek ikusi dute zelan beste zentroen eraikinak aurrera joan diren: Leioa eta Erandioko campuseko Arte Ederrak fakultatea eta Irakasle eskola eta San Mameseko Meatzeen eta Herri Lanen Ingeniaritza Teknikoko eskola, alegia.
Gauzak horrela, EHUko Medikuntzako Ikasleen Batzarrak eta Euskadiko Erizaintzako Ikasleen Elkartasunak bat etorri dira biharko deialdiarekin, antolatzaileek iragarri dutenez.
Medikuntzako seigarren mailako hainbat ikaslek elkarretaratzea deitu dute biharko, asteazkena, Basurtun Medikuntza eta Odontologia fakultatea eta Erizaintza eskola eraiki ditzaten aldarrikatzeko. Hitzordua goizeko 12etan jarri dute Bilbon, EHUren Basurtuko irakaskuntza unitatearen "behin behineko eraikinaren" aurrean eta eraikin berria hartu beharko lukeen parking-aren ondoan. Ostiralean lizentziatuko diren ikasleak Basurtun eta Gurutzetan aritu arren, egunotan Leioan izan dira bertako Medikuntza, Odontologia, Fisioterapia eta Erizaintza ikasleei informazioa helarazteko eta deialdiarekin bat egin dezaten. Azken mailako ikasleek salatu dute EHUn orain dela sei urte sartu zirenean agindu zietela Basurtuko fakultatea egingo zela eta unibertsitateak "hitza jan" egin duela. Bitartean, azpimarratu dutenez, Leioa eta Erandioko campuseko osasun ikasketen zentroak "zaharkituta" gelditu dira eta ikasle kopuru gero eta handiagoa hartzeko jada "ez dira egokiak". Argazkian, Basurtuko eraikina ez da azken urteotan Medikuntzako estudianteek izandako arazo bakarra, maiz kalera atera behar izan direla ikasketak euskaraz egin ahal izateko / cc-by-sa Ikasle Abertzaleak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun