Europako Legebiltzarrerako hauteskundeen parte hartzea %35,57koa izan da Bizkaian arratsaldeko 6etan, Espainiako Barne Ministerioak jakinarazi duenez. Gauzak horrela, parte hartzea EAEn (%34,29) zein Estatu espainolean (%34,08) baina zabalagoa izaten ari da gure foru lurraldean. 2009ko datuei erreparatuz, hautesle bizkaitarren %1,80 gehiago joan da bozkatzera aurtengo hitzorduan. Eskualdean, udalerri ia guztietan egin du gora parte hartzea, orain dela bost urteko datuekin erkatuz gero. Salbuespen bakarra izan da: Gorliz. Herri horretan, aurreko hauteskundeetan baino 0,41 puntu altuago izan da oraingo honetan abstentzioa, guztira %36,62k boto eman duela. Gauzak horrela, Bizkaiko mediatik gora ari dira bozkatzen Getxon (%38,57), Gorlizen, Lemoizen (%39,13) eta Plentzian (%37,79). Lurraldeko bataz-besteko datuaren azpitik ari dira berriz, Barrikan (%34,95), Berangon (%32,89), Erandion (%33,31), Leioan (%32,83), Sopelan (%33,65) eta Urdulizen (%34,32). Argazkian, Darth Daverrek botoa eman du Leioan, ezpata laser eta guzti. Kaskoa kendu behar izateaz aparte ez du bestelako arazorik izan / © Leioako EHBildu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun