Marine Le Pen-en Fronte Nazional ultraeskuindarrak irabazi lituzke Europako Legebiltzarrerako hauteskundeak Frantzian, lehenengo inkestek zabaldu dutenez. Datuak, gainera, Hollande presidentea kezkatzeko modukoak lirateke gainera. Izan ere, hauteskunde ikerketek FNri 25 jesarleku ematen dizkiote, 19 UMP alderdi eskuinarrari, 13 PSri, 7 Modem zentristari, 6 berdeei eta 4 Ezkerreko Fronteari. Ipar Euskal Herrian ere, garrantzi handia luke ultraeskuinak jasotako babesa, Hendaian, adibidez, bigarren alderdia izan dela (%14,99). Beste puntan legoke Grezia. Bertan, alderdi komunista ezik ezkerreko indarrak batzen dituen Syriza alderdiak hauteskundeak irabazten dabil botoen %75 zenbatuta. Sufragioen %26 eta %30 artean lortu izan ei dute datu horien arabera. Atzetik gelditu dira Demokrazia Berria eskuindarra (%23-%27) eta Urrezko Egunsentiaren neonaziak (%8-%12). Danimarkan ultraeskuina lehenengo indarra litzateke inkesten arabera eta Alemanian zein Austrian ere neonaziek ordezkaritza lortuko lukete. Argazkian, Marine Le Pen Fronte Nazionaleko buruzagia / cc-by Remin Noyon.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun