Kritikez gain, EH Bilduk hainbat proposamen luzatu ditu 2014ko udal aurrekonturako. Besteak beste, herriko lan eta hirigintza obrak formazio eta enplegu planetan txertatzea, langabezian dauden bizilagunei lanaldi baterako aukera errazte aldera. Behar larriak dituzten familiei oinarrizko jakiak bermatzeko diru laguntzak ere proposatu ditu, baita herriko gazteen jarduerak babesteko diru laguntzak ere.
Koalizioak nabarmendu du "elkarrizketa eta negoziaziorako prestutasun osoa" duela, Gorlizentzat garrantzizkoak diren proiektuak aurrera ateratzeko. Aldiz, EH Bilduren ustez, "onartezina" da pisuzko erabakietan, aurrekontuen onarpena kasu, EAJk "akordiorako inolako saiakerarik ez" egitea eta "Arrazionalizazio Legea modu interesatuan baliatzea, inorekin adostasunik bilatu behar ez izateko".
Azkenik, EH Bilduk ohartarazi du "EAJk udal kontuetako gerakinetik kreditu modifikazioa egin nahi duela hainbat proiektu gauzatzeko". "Besteak beste, bi padel pista eraikitzeko proiektua", soberanisten hitzetan. Udaleko oposizioak ezezkoa eman dio 1,4 milioi euroko kreditu modifikazioari eta "EAJk iragarri du plenoaren ezetzaren aurrean, tokiko gobernuaren bidez onartuko dutela eragiketa".
Gorlizko EAJk aurrekontuak udal batzarretik kanpo onartu izana kritikatu du EH Bilduk
Gorlizko Udalak onartu dituen 2014ko aurrekontuak kritikatu ditu EH Bilduk, bai edukiengatik, bai onartuak izan diren moduarengatik. Koalizio soberanistak prentsa ohar bidez adierazi duenez, EAJk ez du "inolako akordio saiakerarik" egin eta osoko bilkuran gainontzeko taldeekin adostasun politikoa bilatu ordez, "nahiago izan du aurrekontuak Udal Gobernuaren bidez onartu". EH Bilduren ustez, EAJk "Espainiako Arrazionalizazio Legearen babesera" jo du, nahiz eta alderdiak legea salatu izan duen. Zentzu horretan, "koherentzia eta ardura falta" leporatu dizkiete ezkertiarrek jeltzaleei. Bestalde, EH Bilduren iritziz, aurrekontuek "herritarrekiko konpromiso gabezia" islatzen dute. "EAJk Gizarte Ekintzara bideratuko duen partida hirukoiztu egingo duela iragarri duen arren, partidak aurrekontuen %1,2 bakarrik hartzen duela" nabarmendu du koalizio independentistak. Argazkian, egungo alkate Arantza Etxebarria Villabeitia jeltzalea izendatu dute 2015eko udal hauteskundeetarako hautagai.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun