Gaur, asteazkenarekin, "Beste eredu ekonomiko bat posible da: banka etikoa eta ekonomia solidarioa" izeneko hitzaldia hartuko du Sopelako Kurtzio kultur etxeak, 19:30etik aurrera. Plaza Beltza kultur elkarteak antolatu du ekimena eta Fiare banku etikoaren kide bat solastatuko da. Fiare erakundea "gizarte zuzenago baten aldeko baloreak dituen ekonomia eraikitzeko finantzen merkatuaren barruan bestelako aukerak sortu nahi dituzten pertsona eta erakundeen sarea da", antolatzaileen arabera. Fiare Banca Popolare Etica kreditu kooperatibaren agente bakarra da Estatu espainolean. Hego Euskal Herrian Fiare fundazioak 1.618 bazkide ditu, ia 2 milioi euroko kapitala jarri dutenak. Bulego bakarra dute, Bilboko Santa Maria kaleko 9. lonjan. Halere, Gasteiz, Irun, Zarautz, Beasain, Eibar, Iruñea eta Donostian ere batzarrak egiten dituzte. Argazkian, Fiareren aurkezpen bat Sabadell-en / cc-by-nc-sa Albir.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun