Itzubaltzeta / Romoko Koadrila Eguneko kartela
Pasa den asteburuan Sopelan egin bezala, larunbat honetan bere egun handia ospatuko dute Itzubaltzeta / Romoko koadrilek. Iaz bezala, gazteek beraiek antolatu dute egitaraua, aurreko zazpi urteetan bertako jai batzordeak prestatu zuela ekimena. Dagoeneko, bederatzigarren urtemugara heldu da herriko jaiak gertu daudela iragartzen duen neska-mutilen topagunea. Gauzak horrela, eguna goizeko 11etan abiatuko da, hileko azken larunbatetan egiten den Erromotruk nekazaritza, artisautza eta truke azoka dela medio. San Jose elizaren atarian izango dira saltokiak. Koadrila Eguneko egitaraua ofizialari dagokionez, txupina eguerdian botako dute, ordu berean hasiko dela jaietako irudiak aukeratzeko jai batzordeak antolatutako herri bozketa. 12:15ean, berriz, trikipoteo batez herriko kaleak girotzeari ekingo diote esnatu diren gazteek. Argazkian, orain bi urteko Koadrila Eguneko argazkia.
Arratsaldeko 2etan itxiko da Erromotruk azoka eta ordu bat beranduago, egitaraua zorrotz jarraitzekotan, bazkaria Santa Eugenia plazan egingo dute, ondoren karaokea hasiko dela. Oraindik herri bazkarirako txartela eskuratu ez duenak bihar arratsaldera arte egin ahal izango du La Mona tabernan, sei eurotan. Egunean bertan ere hartu ahal izango da, baina bi euro gehiago ordainduta. Santa Eugenia plazan ere, baina arratsaldeko 5:30erako jarri dute familia argazkia ateratzeko hitzordua. Ostean izango dira poteoa eta ginkana musikatuak herrian zehar. 18:00etan, herri kontsultaren hautestontzia itxiko dute eta aukeratutako zapia, kamiseta eta jai-liburuxkaren irudiak ezagutzera emango dituzte. Eguna bukatzeko, koadrila sariak emango dituzte gauerdian, poteoa amaiztean.
Itzubaltzeta / Romoko Koadrila Eguneko kartela
Itzubaltzeta / Romoko Koadrila Eguneko kartela
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun