Sariak
- “Ikusizko eta Ikus-entzunezko Arteak” arloan, Borja Crespo. Zinema zuzendaria eta ekoizlea, idazlea, ilustratzailea eta komikigilea.
- “Arte plastikoak” atalean, “Antzezaleak” Getxoko artisten taldea, udalerrian 32 urte baino gehiagoko ibilbidea duena.
- “Arte Eszenikoa”-n, Natalia Monge. Dantzaria, koreografoa, irakaslea eta “Organik” konpainiako zuzendaria.
- “Musika Klasikoa eta Garaikidea” atalean, Isabel Urrutia. Piano-jotzailea eta konpositorea.
- “Gaur egungo Musika”-n, El Inquilino Comunista. Estatuan erreferentea den indie rok taldea eta Getxo Sounden aintzindaria.
- “Literatura”-n, Elena Moreno. Idazlea eta Kazetaria.
- “Diseinua”-n, Ana Roquero. Industria-diseinatzailea, “Red Dot” izen handiko nazioarteko saria jaso duena bere Jomon izeneko baxeragatik.
- “Arkitektura eta Eremu Publikoa” sailean, “G&C Esudio”. Getxon dauden Biscaytik proiketuaren egoitzan (Bake Eder etxaldea) birgaitze lanak egin dituztenak.
- “Gastronomia”-n, Martina de Zuricalday-ren gurinezko-opila. Nazioarteko mailan ezaguna den opila, ehun urte baino gehiago udalerrian egon den enpresa horrek egindakoa.
- “Kultura Hezkuntzan eta Baloreetan”, Paul Rios. Lokarri-Akordioaren eta kontsultaren aldeko herritarren sareko koordinatzailea.
- “Berrikuntza Kultura”-n, Juan Torre. Ikusteko desgaitasuna duen argazkilariak eta kazetariak, “Ikutzeko irudiak” izenekoaren sustatzaileak.
- “Kultura Ondarea, hautemangarri eta hautemangaitza”-n, Algortako Portu Zaharra.
- “Ibilbide Profesional eta Artistikoa”-n, Mikel Albisu aktorea eta J.J. Rapha Bilbao idazlea.
- “Aixegaztea” saria, etorkizun handiko gazteentzat, Carlos Goikoetxea pianojotzailea.
Getxoko Udalak “Aixe Getxo!” sariak banatuko ditu gaur, osteguna, Algortako Fadura kiroldegiko areto nagusian 20:00etan hasiko den ekitaldian. Laugarren edizioa ospatuko duten sari horiek. “Kultura munduaren hainbat arlotan, udalerrian sortutako zenbait eragilek eta ekimenek egindako lana, konpromisoa eta zabalkunde ahalegina azpimarratzeko asmoa dute”, Koldo Iturbe Kultura zinegotziak gogoratu duenez. Aurten, Kulturaren munduarekin harremanak dituzten sei getxoztarrek osatutako epaimahaiak 14 kategoria ezarri ditu goraipamenak egiteko, aurreko urteetan baino bat gehiago. Berritasun bezala, “Aixegaztea” kategoria gehitu dute, kultur arloan gazteek egindako lana nabarmentzeko, eta Carlos Goikoetxea piano-jotzaileari egokitu zaio. Argazkian, iaz saritutako lagunak / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun