Udalerriko 14 kultur ekimenek eta eragileek “Aixe Getxo!” sari bana jaso dute, "kultura munduaren hainbat arlotan egiten duten lana, konpromisoa eta zabalkunde-ahalegina" azpimarratzen duena, tokiko agintarien arabera. Imanol Landa alkateak atzo, Faduran, sari banaketa ekitaldiaren buru izan zen eta horretan Udalean ordezkaritza duten alderdi guztietako kideak egon ziren. Ondokoak izan ziren sarituak: Borja Crespo zinema zuzendaria eta ekoizlea, idazlea, ilustratzailea eta komikigilea; Antzezaleak taldea; Natalia Monge dantzaria, koreografoa, irakaslea eta Organik konpainiako zuzendaria; Isabel Urrutia piano-jotzailea eta konpositorea; El Inquilino Comunista indie rock taldea; Elena Moreno idazlea eta kazetaria; Ana Roquero industria-diseinatzailea; G&C Estudio; Martina de Zuricalday-ren gurinezko-opila; Paul Rios Lokarriren koordinatzailea; Juan Torre. Ikusteko desgaitasuna duen argazkilaria eta kazetaria; Algortako Portu Zaharra; eta Mikel Albisu aktorea eta J.J. Rapha Bilbao idazlea. Argazkian, saritutako lagunak eta udal agintariak atzoko ekitaldian / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun