Emakumezkoen futbolari bultzakada emateaz gainera, bertan parte hartzen duten kirolarientzat topagune izan nahi du Torneoak, adiskidetzeko. Hartara, antolatzaileek, ohikoa denez, programa berezia prestatu dute. Bart, gonbidatutako taldeak heltzean harrera ekitaldia egin dute, ongi etorria egiteko, eta horren ondotik afari legea ezarri dute jokalariek, beren lagunek eta antolatzaileek. Gaur, berriz, kirol portua bisitatu eta bazkaria egingo dute, txapelketa hasi aurreko ekitaldien harira.
Jose Maria Bravo Bizkerreren presidenteak azpimarratu du torneoa hartzen ari den garrantzi handia: “parte hartzen duten taldeek diote luxua dela hona etortzea, oso ondo hartzen dituztela, Getxo polita dela eta, horregatik, pozik datozela. Estatuan erreferentziazko txapelketa dela diote. Eta guretzat, udalerri eta antolatzaile gisa, pozgarria da”.
Alvaro Gonzalez Kirol zinegotziak, bere aldetik, gogoratu du Getxoko Udalaren konpromisoa emakumezkoek egiten dituzten kirol guztiak babesteko eta bereziki emakumezkoen futbolari dagokionez. Bere ustez, badira "zorionez, garrantzi gero eta handiagoa hartzen ari diren kirolak, eta hortaz, gizarteko hainbat arlotan oihartzun gero eta handiagoa dutenak. Eta, gainera, gure eginbeharra pertsona guztiek eta batez ere estatistika eta txostenek kirolgile soiltzat jotzen dituzten kolektiboek egiten duten kirola laguntzea da", azaldu du Gonzalezek.
Emakumezkoen Nazioarteko Futbol Txapelketa hartuko du Algortak gaur eta bihar
Zortzigarren urtez, gaur, larunbata, eta bihar Algortako Fadura udal zelaiak hartuko du Emakumezkoen Nazioarteko Futbol Txapelketa. Bizkerre futbol taldeak Roberto Tamayoren omenez antolatzen duen txapelketaren nobedade nagusia Clube de Albergaria talde portugaldarraren parte hartzea izango da. Gauzak horrela, Bizkerre eta Albergariarekin batera ohikoak diren bi talde arituko dira, alegia, Liga txapelketa espainiarreko txapeldun eta txapeldunordeak, Bartzelona eta Athletic Club, hurrenez hurren. Txapelketaren lehen fasea gaur 17:45etik aurrera jokatuko da, 40 minutuko zati bakarreko partidatan, ordena honetan: Athletic-Albergaria, Bartzelona-Athletic eta Albergaria-Bartzelona. Bihar, berriz, Bizkerrek aldez aurreko faseko hirugarren sailkatuaren aurka jokatuko du, 9:45etik aurrera. Imanol Landa Getxoko alkateak ohorezko sakea egin ondoren, final handia 12:15ean hasiko da eta aldez aurreko faseko lehen bi sailkatuek jokatuko dute. Bi partidak berrogeina minutuko bi zatikoak izango dira. Txapelketako partidu guztiak ikusteko sarrera dohainik izango da. Argazkian, Bizkerreko jokalariak / © Bizkerre futbol taldea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun