Gaur Faduran zelairatuko diren jokalarietako sei Getxo Rugbykoak dira, Iñigo Lugarezaresti, Unai Perez, Iñigo Calvo, Beñat Lavin, Peio Landaburu eta Ibon Coria, alegia. Haiekin batera izango dira Imanol Iriondo (Zekorrak) Mikel Blanco eta Gaizka Iturriagaetxeberria (Durango), Jon eta Gaizka Arrizabalaga, Mikel Meabebasterretxea eta Julen Zamakola (Eibar), Andoni Hernandez (Gaztedi), Unai Lasa eta Iñigo Urrutia (Gernika), JJ Malkorra, Joanes Mujika eta Mikel Aizpurua (Ordizia), Jon Mendiederreta (SJLO) eta Jokin Melero. Zuzendariak Peio Urkidi eta David Viguera izango dira.
Getxoko Udalaren arabera, Histori Cupen estreinako partida udalerrian jokatzearen arrazoia da aurten Europako Kirolaren Hirietako bat bilakatu izana. halere, gaurkoa ez da partida bakarra izango. Ekainaren 7an lehia Pontevedrara bidaiatuko da, bertan Galiziak Andorra hartuko duela. Triangeluaren azken partida, ordea, Fadurara bueltatuko da, ekainaren 14an. Orduan ere Andorra izango da bisitaria, EAEko errugbilarien aurka arituko dena.
Gaur arratsaldeko 6:30ean, Algortako Fadurako "bonboi-kutxan" estreinatuko da Histori Cup errugbi txapelketa, EAEko eta Galiziako selekzioen arteko demaz. Lehiaketa hori iaz hasi ziren prestatzen Galizia, Andorra eta EAEko federazioek, Sei Nazioetako Torneoa moduko txapelketa sortu nahian. Anoetan sinatu zuten akordioak jasotzen duenez, xedea elkarlanez proiektu konpetitiboa bultzatzea da, nazio bakoitzeko nortasuna onartu eta bultzatuko duena. Izan ere, egun krisia dela eta gero eta gutxiago dira lehen mailako errugbilariek joka ditzaketen norgehiagokak. Aurten, Galizia, EAE eta Andorrako gizonezkoek jokatuko badute ere, federazioek ez dute baztertzen datozen urteotan partaide gehiago izatea. Gaurko partidak, baina, bere alde hunkigarria ere izango du. Izan ere, Iñigo Castro Kopa ere jokatuko dute EAE eta Galiziak. Castro jatorri galiziarreko euskal jokalariak Getxo Rugby zein CRAT Coruña taldeetan zein bi nazioetako selekzioetan jokatu zuen, 2007an trafiko istripu batean hil aurretik. Partida ikusteko bost euroko txartela ordaindu beharko da atean, 14 urtetik beherakoek sarrera doakoa izango dutela. Argazkian, ohiko errugbian ez bezala, zazpiko errugbi lehiaketetan Euskal Herriko ordezkaritzak parte hartzen du / © Euskadiko Errugbi Federazioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun