4) Errege berriari eskatu nahi diogu ere Konstituzioaren arabera dagokion arbitro eta moderatzaile lanari ekin diezaion, atzerapenik gabe Espainiar Estatua osatzen duten nazio ezberdinen helburuei erantzuna emango dien Estatu eredu berria abian jartzeko. Euskal kasuari dagokionez, aldarri honek berezko izaera du euskal foruetatik datozkigun eskubide historikoetan eta gure hiritargoaren borondatean oinarri. Baldintza horiek betetzen badira, EAJk, iraganean egin izan duen eran, egoerak eskatzen dion mailan mantentzen jakingo du, eta beharrezko ditugun egonkortasun instituzionala eta normaltasun demokratikoa babesten lagunduko du.
Euzko Alderdi Jeltzalea
EAJk, esklusiboki euskal esparruko alderdi politiko eta ez monarkikoa den aldetik, honako adierazpen hauek egin nahi ditu gaur goizean ezagutu den Juan Carlos I.a erregearen abdikazioaren albistearen aurrean: 1) Agian berandu iristen den arren, abdikazioa erabaki egokia eta beharrezkoa da. 2) Espainiar Estatuak eta monarkiaren instituzioak gaur egun bizi duten krisi instituzionala konpontzeko neurri zorrotzak hartzearen aldeko agertzen gara. 3) Errege berriari adorea eta irmotasuna erakustea eskatu nahi diogu, Espainiar Estatuak eta bere hiritargo osoak bizi dituzten arazo larriei aurre egin diezaien. Argazkian, Andoni Ortuzar Euzko Alderdi Jeltzalearen EBBko presidenteak irakurri du alderdiaren adierazpena / © EAJ.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun