Berriz ere espainiartasuna indarrez eta herri honen borondatearen kontra, inposatzeko saiakera baten aurrean gaude. Berriz ere gure izaera eta nortasuna zein herri bezala dagokigun erabakitzeko eskubidea ukatzeko saiakera baten aurrean gaude. Berriz ere agertzen da hemen atzo bertan abdikatu zuen Borboiak islatzen duen guztiaren itzala. Beraz, joan daitezela Borboiak eta eraman ditzatela beraiekin herri honetara erregimen ustel eta dekadente bat inposatzera armaz etorri ziren guzti-guztiak.
Idei eta ikur askoren gainetik herri honetan, azkenengo 50 urteetan, pertsona asko hil egin dira hemen bizi den gatazkaren ondorioz, lagunak, familiarrak eta inguru bat zuten pertsonak. Eta pertsona horiek izan badute eskubide osoa beraienak gogoratzeko, ideologia guztien gainetik.
Oroitzapena eta memoria ez dira apologia edota gorazarrearen sinonimo. Oroitzapena giza izaeratik abiatzen den beharra da, dagoeneko hil direnen gogoratzekoa.
Zentzu horretan ez da batere zilegi, tokiz eta denboraz kanpokoa, hil den norbaiten oroitzapena eta memoria erasotzea. Ezin dira sentimenduak debekatu, ezta giza eta pertsonalak diren atxikimendua; hori da naturaren kontra joatea. Oroitzapenerako eskubidearen kontra joatea, bakea eta normalizazio politikoa oztopatzen jarraitzea da; guardia zibilak gaur egin duen bezala ekitea, gatazka politikoaren ondorioz bizitza galdu duten pertsona guztiek eta bakoitzak merezi duten errespetuaren kontra joatea da; eta familiarrek inondik ere merezi ez duten umiliazioa.
Horregatik behin berriro ere operazio poliziala salatu nahi dugu, atxilotu guztien berehalako askatasuna eskatu ere bai, eta baita irekita egon litezken dilijentzia polizial eta judizial guztiak bertan behera uztea.
Honetaz gain, operazio hau salatzeko burutuko diren protesta mobilizazioetan parte hartzeko deia egiten dugu.
Sortu
Lehenik eta behin Sortuk gogor salatu nahi du operazio polizial berri hau. Atxilotuak berehalakoan askatzeko exijitzen dugu eta fisikoki zein psikologikoki eraman dituzten modu berberean etxera itzul daitezen. Operazio polizial berri hau oso larria da. Berriz ere iritzi delituengatik burutzen ari den operazio polizial baten aurrean gaude, berriz ere iritzi delituengatik ari dira pertsonak atxilotuta eramaten. Oraingo honetan zuhaitzak landatzean datzan balizko delitu baten aurrean geundeke, baso baten "desmantelamendua" ekarriko omen duena. Guardia zibilaren mota guztietako gehiegikeriak ezagutu ditugu, baina orain antza denez, basoak desmantelatzera dedikatuko dira. Gorputz polizial hau gure lurrean zeinen beharrezkoa denaren adierazle argia...! Guardia Zibilaren operazio honek ongi adierazten duena da PP-ren zein Rajoyren gobernuaren obsesioa errelatuaren beraien bertsioa inposatzeko. Argazkian, gaur goizeko operazioaren irudi bat / © Nagore Vega.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun