Gainera, Podemos-Ahal Duguk eskubide hori gauzatzeko bide bat jartzen du mahai gainean. Gure ustez, oraingo sistema politikoa, 1978ko erregimena, ez da baliagarria gaur. Txikiegi geratu den soinekoa da, eta gaurko herritarrok egiten ditugun eskakizunak, gizarte eskubideak zabaltzea eta demokrazia sakontzea, ezin dira bertan sartzen.
Trantsizioaren lehenengo urteetan egon zen militarren presioa oso handia izan zen eta horrek muga handiak jarri zizkion Konstituzioari, bai Francok ezarritako monarkia onartzerakoan, eta baita estatu eredua ezartzerakoan ere. Estatu espainiarrean dauden nazioetako herritarrek ezin izan zuten beraien etorkizuna askatasunez erabaki eta gainontzeko herriekin izan nahi dituzten harremanak finkatu. Horregatik bigarren trantsizioa eta prozesu konstituziogile berria eskatzen dugu.
Gure Esku Dago ekimena Podemos-Ahal Duguk dituen ezaugarri asko ditu, politika letra handiz, politika garbia egin nahi duten herritarrak direlako, eskubide demokratiko baten aldeko adostasuna bilatzen ari direnak. Defendatzen duten eskubide demokratikoa garrantzitsuegia baita politikarien esku uzteko.
Horregatik, Gure Esku Dagoren ekimenaren alde agertzen gara, eta Durango eta Iruñea lotuko dituen giza katean parte hartzeko deia egiten dugu. Espero dugu igandekoa eskubide demokratikoaren aldeko mugimendu anitza, zeharlerrokoa eta herritarraren hasiera izatea.
Ahal Dugu (Podemos)
Ahal Dugu (Podemos): "Gure Esku Dagoren giza katean parte hartzeko deitzen dugu"
Podemos-Ahal Duguk Gure Esku Dago ekimenarekin bat egiten du eta datorren igandean, ekainak 8, Iruñea eta Durango lotuko dituen giza katean parte hartzeko deia egiten die herritarrei, erabakitzeko eskubidea defendatzeko. Podemos-Ahal Duguren ustez, herriek beraien etorkizuna erabakitzeko eskubidea ez da abertzaleen eskakizuna, eskakizun demokratikoa baizik, estatuburu mota erabakitzeko eskakizuna bezalakoa. Izan ere, errepublika eta monarkiaren artean erabakitzeko eskakizuna ez baita eskakizun errepublikazalea, demokratikoa baizik. Erabakitzeko eskubidea, Europako herri guztiek, bertoko herritarrek hala erabakitzen badute estatu izateko eskubidea, espreski aipatzen da Podemosen egitarauan, era partehartzailean egin zena. Argazkian, Euskal Herriko Ahal Duguren (Podemos) agerraldi bat / © Ahal Dugu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun