Metro Bilbao gau osoan ibiliko da, larunbatetan izaten den maiztasunarekin, ostiral honetan (ekainak 6) hasi eta datorren irailera arte. Horrela, normalean ostiraletan 02:00etan amaitzen den zerbitzua 06:00etara arte luzatzeko erabakia indarrean egongo da udako lau hilabeteetan, ekainetik irailaren amaierara, alegia. Eta metroa etengabe ibiliko da udako lau hilabeteetako asteburuetako hiru egunetan. Horrenbestez, ostiral eta jai bezperetan gau osoan biliko dira trenak, 15 minutuko maiztasunarekin Etxebarri-San Inazio tartean, eta 30 minutukoarekin Basauri-Santurtzi eta Etxebarri-Plentzia tarteetan. Udako aldira eta herri eta auzoetako jaien ondoriozko eskari igoerara egokitzen den zerbitzuak ekainaren 6tik irailaren 26ra arteko ostiralak hartuko ditu. Era berean, uztailaren 24an eta 30ean (Algortako San Inazio jaietan) eta abuztuaren 14an (Algortako Portu Zaharreko jaietan) ere, jai bezperak direnez, gau osoko zerbitzua jarriko da. Argazkian, metroa jendez gainezka artxiboko irudian.
Garraio konpainiatik adierazi dutenez, ekaineko ostiral gauetako zerbitzuaren luzapenak "oso harrera ona" du herritarren artean. Iaz, udako lehen hilabetean batez beste 22.394 bidaia egin ziren ostiral gauetan, eta abuztuaren 23a (91.890 bidaiari), ekainaren 28a (24.152) eta ekainaren 21a (23.388) izan ziren ostiral jendetsuenak, Metro Bilbaok emandako datuen arabera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun