Parte hartzaile bakoitzak, gehienez ere, testu bi bidali ahal izango ditu (bi kategoria berean edo testu bana bi kategoriatan; bi testuak argazki berekoak izan daitezke).
Literatur ekimenaren helburu orokorrak hurrengoak dira, Egizu elkarteko eta "UK" aldizkariko lagunek azaldu dutenez: jendea euskaraz idaztera eta irakurtzera animatzea, eta Uribe Kostako argazkilariak eta euren lana sustatzea eta zabaltzea. Horretarako dagoeneko 10 argazkilariren argazki bana aukeratu dira eta horietan oinarritutako testuak idatzi beharko dituzte parte hartzaileek.
Hirugarren ekitaldi honetarako euren argazkiak helarazi dizkiguten Uribe Kostako (edo bizi diren) profesional edo zaletuak dira: Alfredo Aldai, Mikel Martinez, Andoni Lubaki, Asier Mentxaka, Jon Astorquiza, Zuriñe Unzueta, Endika Martinez, Victoria Bengoa, Gari Bilbao eta Ana Gonzalez.
Sariak
Uribe Kostako epaile bik osatutako epaimahaiak epaia irailaren 8an emango du ezagutzera.
Kategoria bakoitzeko irabazle bana izango da eta 200 euro jasoko ditu. Horiez gainera, argazki bakoitzeko testu irabazle bat aukeratuko da eta beraientzako saria lanak datorren irailetik aurrera eskualdeko hainbat lekutan antolatuko den erakusketa ibiltarian ikusgai egotea izango da. Jasotako testu guztiak webgunean agertuko dira.
Egizu Getxo Euskaldun elkarteak eta "UK" aldizkariak, Uribe Kostako hainbat erakunde publiko (Leioa, Berango, Getxo; eta Makomunitatea) eta zenbait elkarterekin (Berbots, Bizarra Lepoan, Aitxu!, Berbalamiñe, Leioako berbalagunak eta Bizarra Lepoan) elkarlanean, ArgIHIzkiak literatur lehiaketa antolatu dute aurten ere. Argazkietan oinarritutako hirugarren testu laburren lehiaketa honetara lanak bidaltzeko azken eguna ekainaren 22a izango da, epea luzatu baitute. Oinarrien arabera, lehiaketan 16 urtetik gorako edonork parte hartu ahal izango du. Euskara batuan ala edozein euskalkitan idatz daitezkeen testuetako bakoitzak argazkietako batean oinarrituta egon beharko du eta egileak adierazi beharko du zein argazki aukeratu duen. Lehiaketak kategoria bi ditu: bata, labur-laburra (160 karaktere gehienez); eta bestea, laburra (100 hitz gehienez). Testu mota guztiak, hau da, prosa, olerkia, bertsoa, haikua, eta abar onartuko dira. Horrenbestez, parte hartu ahal izateko izen-emate fitxa bete beharko dute lehiakideek. Ondoren parte hartzaileek testuak (sms, whatsapp edo posta elektronikoz) hurrengo helbideetako batera bidali beharko dituzte: 619 935 541 / argi.hizkiak[abildua]gmail.com. Argazkiak (eta oinarriak) hurrengo webgunean ikus daitezke: www.argihizkiak.com. Argazkian, ArgIHizkiak lehiaketako lanen erakusketa 2012an.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun